Украинската војска денеска соопшти дека извршила успешен напад врз руска подморница и го оштетила системот за воздушна одбрана С-400 на окупираниот Крим.
„Во пристаништето во Севастопол успешно е нападната подморницата на руската Црноморска флота Ростов на Дон“, напиша на Фејсбук Генералштабот на вооружените сили на Украина. „Како резултат на ударот, подморницата потона.
Украинската армија објави дека и во септември 2023 година ја погодила и подморница од класата Кило и дека тогаш била сериозно оштетена.
Бродот е поправен и тестиран во водите на пристаништето Севастопол, соопшти украинската војска.
The General Staff of the Armed Forces of Ukraine reported that Ukrainian forces successfully destroyed the Russian Black Sea Fleet submarine "Rostov-on-Don" and significantly damaged four "Triumph" air defense missile launchers. pic.twitter.com/ANLGevDtFG
— NEXTA (@nexta_tv) August 3, 2024
„Уништувањето на Ростов на Дон уште еднаш докажува дека нема безбедно место за руската флота во украинските територијални води на Црното Море“, соопшти Украина.
Украинската војска, исто така, соопшти дека значително оштетила четири лансери на системот за воздушна одбрана С-400 Триумф за време на тие воени операции.