Министерството за одбрана на Русија во средата објави дека три украински беспилотни бродови неуспешно го нападнале рускиот воен брод Иван Хурс во близина на Босфор рано изутрина во Црното Море.
Во соопштението објавено на комуникациската платформа „Телеграм“, Министерството наведува дека бродот ги штити гасоводите „Турски тек“ и „Син поток“, кои транспортираат гас, делумно преку Црното Море, од Русија до Турција. Тие додадоа дека бродот „продолжува да ги извршува своите задачи“.
I posted yesterday about a Russian Black Sea Fleet ship Ivan Khurs that was attacked by unmanned drones.
Russia claimed "the ship continues to carry out its functions" without mentioning its state.
It seems the third drone did manage to damage the ship. pic.twitter.com/yQgQZPdm5I
— Anton Gerashchenko (@Gerashchenko_en) May 25, 2023
Украинците денеска објавија ново видео. Антон Герашченко, советник во украинскиот МУП, вели дека третиот дрон навистина удрил во рускиот воен брод.
„Вчера објавив објава за бродот на руската Црноморска флота Иван Хурс кој беше нападнат од беспилотни пловила.
Русија тврдеше дека „бродот продолжува да ги извршува своите функции“ без да ја спомене неговата состојба. Се чини дека третиот дрон успеа да го оштети бродот“, пишува Герашченко, кој го објави видеото.