Поранешниот американски претседател Доналд Трамп го искритикува својот наследник Џо Бајден за неговата политика кон војната во Украина. Трамп рече дека ќе преговара со Русите и дека мировниот договор ќе биде потпишан во рок од 24 часа.
„Џо Бајден, преку слабост и неспособност, не доведе до работ на Трета светска војна. Добро ме слушнавте, ние сме на работ на Трета светска војна. Кога повторно ќе бидам претседател, ќе го вратам мирот“, рече Трамп. .
Инаку, тој ја започна предизборната кампања, првпат откако ја објави кандидатурата за враќање во Белата куќа. Трамп го одржа својот прв говор на годишниот состанок на Републиканската партија во Салем.
На Трамп неодамна му беше дозволено да се врати на социјалните мрежи Фејсбук и Инстаграм од кои беше исфрлен откако неговите поддржувачи упаднаа во Капитол пред две години. Претходно му беше овозможено да се врати на својот омилен Твитер, бидејќи мрежата ја купи иноваторот и мултимилијардер Илон Маск.