Шест деца загинале денеска во тешка сообраќајна несреќа во Ставрополскиот Регион во Русија, а уште 18 луѓе се повредени, соопштија службите за спасување.
Според првичните информации, три возила, меѓу кои камион и автобус, се судриле на автопатот меѓу Астрахан и Ставропол во јужна Русија, пренесе агенцијата ТАСС.
Меѓу повредените има уште осум деца, кои се пренесени во болница.
Регионалната дирекција на руската Државна инспекција за безбедност соопшти дека според прелиминарните сознанија, камионот се превртел додека маневрирал и го смачкал комбето со кое децата патувале од Волгоград до градот Черкеск.