ВИДЕО: Тинејџер со нацистички симболи на облеката упаднал во две училишта во Бразил и убил четири лица, снимен моментот на нападот

Од:

Во пукање во две училишта во Бразил животот го загубија вкупно четири лица, три на местото на нападот, а подоцна од здобиените повреди починала наставничка, соопштија властите.

Напаѓачот е 16-годишен тинејџер, кој носел нацистички симболи.

Властите во градот Аракруз, во државата Еспирито Санто, соопштија дека некои од 10-те ранети, вклучително и тројца наставници и еден ученик, се во тешка состојба по нападот во петокот што ја шокираше земјата која бележи пораст на престрелки во училиштата во последните години.

„За жал, трагедијата на Аракруз сè уште не е завршена“, рече гувернерот Ренато Казагранде во саботата.

„Со длабоко жалење ја потврдуваме смртта на уште една жртва, професорката Флавија Амбос Меркон“, напиша на Твитер гувернерот, кој прогласи тридневна жалост во Еспирито Санто.

Напаѓачот е поранешен ученик во државното училиште кое прво го нападнал, пукајќи во група наставници, убивајќи две лица, а рани други девет. Потоа отишол во блиското приватно училиште каде убил адолесцентка и оставил неколку други ранети.

Тој е уапсен и ќе се соочи со обвиненија за убиства и тешко убиство во обид, соопшти полицијата на Еспирито Санто.

Според Истражувачкиот институт Соу да Паз, нападот е дванаесетто пукање во училиште во Бразил од 2002 година.

Би можело да ве интересира

(ВИДЕО) Гори зграда од 28 ката во Бразил

Горан Наумовски

Заложничка драма во Бразил, двајца се тешко ранети

Горан Наумовски

Српската репрезентативка преживеала пекол: Прво ја нападнале со ножеви, па и ставиле пиштол на глава

Предраг Петровиќ

(ВИДЕО) Големи поплави и загинати во Бразил

Мистерија за убиениот Србин во Бразил: Член на Шкаљарскиот клан, кој беше убиен пред семејството

А1он

(ВИДЕО) Најмалку 25 лица загинаа во сообраќајна несреќа во Бразил

Горан Наумовски