ВИДЕО: Терорист се заканува дека ќе го освои светот

Од:

Абу Бакр ал Багдади е командант на движењето Исламска држава Ирак и Левант (ИСИС), од Ирак и Сирија чии што припадници моментално контролираат голем дел од територијата на Ирак, за кој што сосема малку се знае.

Иако се претпоставува дека ова не е неговото вистинско име, тоа сепак има големо влијание врз ширење на исламскиот тероризам во Ирак.

Тој помеѓу членовите на движењето е познат како Ибрахим Авад Ибрахим, Али ал Бадри, Абу Бакр ал Багдади, Ибрахим Ањад, Ибрахим Али ал Бадри ал Самараи, Др. Ибрахим и Абу Дуа.

Како огранок на Ал Каеда на 8-ми април 2013 година ја основал исламистичката група ИСИС, која уште се нарекува и Исламска држава на Ирак и Левант, која што претставува многу поголема закана за целиот свет.

Освен напади на владини и воени цели, оваа група презеде одговорност и за смрт на илјадници ирачки цивили. Во актуелната граѓанска војна во Сирија е забележано активно присуство на џихадисти, членови на оваа група.

Е. Г.