(ВИДЕО) Свештеници ги прскаат со света вода руските регрути: Личноста со „вистинска вера“ не подлежи на страв од смрт

Од:

Снимката од новомобилизираните руски војници кои се благословуваат во канцеларијата за регрутирање во Москва стана вирална.

dobivaj vesti na viber

Видеото на кое свештеникот и неговиот помошник споделуваат икони и ги посипуваат новите војници на Москва во војна во Украина, на „Твитер“ го сподели новинарот Френсис Скар, посочувајќи дека станува збор за официјална снимка на руското Министерство на одбрана.

Откако рускиот претседател Владимир Путин најави „делумна мобилизација“ на 21 септември, под притисок од успешната контраофанзива на Киев во североисточна Украина која ги принуди неговите трупи да се повлечат, во земјата владееше општ хаос.

Следеа протести во земјата, мажите почнаа масовно да бегаат од земјата – некои дури дојдоа во Србија, а на руско-финската граница беа забележани „историски“ гужви. Оние кои не можеа да избегаат – сега се збогуваат со своите семејства.

Во меѓувреме, Руската православна црква ги повика луѓето да одговорат на повиците за мобилизација. Шефот на РПЦ, патријархот Кирил, неодамна ги повика руските граѓани да не се плашат од смртта поради одлуката на Путин да мобилизира резервни трупи да се борат во Украина.

– Одете храбро да ја исполните својата воена должност. И запомнете дека ако го положите својот живот за својата земја, ќе бидете со Бога во Неговото царство, слава и вечен живот – рече тој  во проповедта во манастирот Зачатев во Москва.

Кирил, кој ја оправда одлуката на Путин да ја нападне Украина во февруари „на духовна и идеолошка основа“, ги повика луѓето да одговорат на повикот, набргу откако руските власти соопштија дека до 300.000 резервисти ќе бидат повикани да се борат. За време на својата проповед, Патријархот изјави и дека личноста со „вистинска вера“ не подлежи на страв од смрт.

Московскиот патријарх постојано ја благословува руската војска, опишувајќи ја војната како света борба за заштита на Русија од, како што ги нарече „западните неволји“, како паради на гордоста. Тој гласно го поддржа Путин, а црквата за возврат доби огромни финансиски средства, како што пишува „Њујорк тајмс“.

Војната во Украина ги спротивстави московските верници, а украинските верници ги стави во особено непријатна положба. Така, на 31 март, украинскиот свештеник напиша писмо во кое ги прекина сите врски со Московската патријаршија.

Би можело да ве интересира

Во последните напади во Херсон, Харков и други градови има жртви

Ана Ололовска

Струјата се врати во Киев по четири дена

Ана Ололовска

Шефот на НАТО ја пофали германската поддршка за Украина пред средбата во Букурешт

Ана Ололовска

Русија не е сериозно ослабена од војната во Украина, тврди естонскиот министер за одбрана

Ана Ололовска

Британскиот премиер: Верувам во слободата

Ана Ололовска

Кадиров се заканува: Ќе ги победиме сатанистите

Ана Ололовска