Илјадници жители на Лондон денеска излегоа на протест против новововедените рестриктивни мерки за заштита од коронавирусот, а дојде и до судири со полицијата.
Демонстрантите се собраа пред британскиот Парламент, гневни поради одлуката на властите да се продолжат рестрикциите, токму на датумот на кој требаше да биде „Денот на слободата“, кога мерките требаше речиси целосно да се олабават.
Според очевидци, полицијата уапсила најмалку две жени-учеснички на протестот, а беа објавени снимки на кои се гледа како полицајците физички совладуваат неколкумина демонстранти.
Премиерот Борис Џонсон вчера соопшти дека „локдаунот“ во земјата ќе продолжи до 19 јули, поради повторниот раст на новозаразени со коронавирусот.