ВИДЕО: Стотици уапсени за време на протести против анти-ковид мерките во Австралија

Од:

Неколку полицајци се повредени, а стотици демонстранти беа уапсени денеска во вториот по големина град во Австралија, Мелбурн, при жестоките судири за време на протестите против воведените ограничувања против ширењето на Ковид-19.

Полицијата употреби бибер спреј и уапси повеќе од 200 лица во Мелбурн, откако неколку стотини граѓани ги прекршиле наредбите да останат дома и минаа низ кварт во центарот на градот.

Нелегалниот собир се одржа во момент кога градот минува низ својата шеста блокада од почетокот на пандемијата на Ковид-19. Полицијата соопшти дека шестмина полицајци биле пренесени во болница по судирите со околу 700 демонстранти.

– Она што го видовме денеска беше група демонстранти кои се собрале не за да протестираат против слободите, туку едноставно да се борат и тепаат со полицијата, изјави за медиумите командантот на полицијата во државата Викторија, Марк Галиот.

Полицијата се обиде да го намали пристапот до центарот на градот, блокирајќи ги патиштата и сопирајќи го јавниот превоз со цел да избегне повторување на насилните сцени од митингот минатиот месец, кога се собраа илјадници луѓе.

Огромен број полицајци успеаја да спречат сличен собир во Сиднеј, бидејќи паркот каде што требаше да се одржи беше преполн со униформирани полицајци.

Полицијата на Нов Јужен Велс соопшти дека уапсила околу 20 лица во градот, главно во мрежата за јавен превоз, додека неколку други биле уапсени за време на помалите собири во државата.

Двата града се наоѓаат под продолжени блокади, а власта се обидува преку вакцинација на населението да се овозможи олабавување на рестриктивните мерки.

Би можело да ве интересира

Шведска го продолжи прекинот за употреба на вакцината на Модерна кај младите

А1он

Русија ја идентификуваше новата варијанта на коронавирусот, која е позаразна од Делта

А1он

СЗО: Ковид-19 досега предизвика смрт на 80.000 до 180.000 здравствени работници во светот

А1он

Кон: Мораме порано да ги отпуштаме пациентите за нов кревет, ковид пропусниците не се доволни

Ана Ололовска

СЗО пандемијата со Ковид-19 ќе трае и во 2022 година

Ана Ололовска

Спортските натпревари во Грција со зголемен број гледачи

Ана Ололовска