Повеќе стотици патници се блокирани во воз „Евростар“ во Белгија поради проблеми со напојувачката мрежа.
Патниците на „Евростар“ на социјалните мрежи објавија дека се блокирани во вагоните на возот, a температурата расте.
Stuck in Eurostar somewhere close to Tubize. Train broke down. No elecricity, no airco anymore. Temperature rising. Conclusion: avoid Eurostar when its very hot. (Also when very cold). I should have known better.
— Paul De Grauwe (@pdegrauwe) July 24, 2019
„Заглавени во Евростар некаде близу до Тубиз. Возот се расипа. Нема електрична енергија, нема клима повеќе. Температурата расте. Заклучок: Избегнувајте ги Евростар кога е топло (исто така кога е ладно). Требаше да знам подобро.“, напиша револтиран патник на „Твитер“.
Подоцна на патниците им беше дозволено да излезат од возот и да чекаат да се отстрани дефектот.
„Евростар“ соопшти дека се работи на отстранување на дефектот со напојувањето поради што еден воз застана на шините. Поради тоа најмалку два воза што сообраќаат помеѓу Лондон и Брисел се откажани, а на патниците им се рефундирани трошоците или им е обезбеден друг превоз.