ВИДЕО: Смртниот биланс од катастрофалниот земјотрес се искачи на 950 лица

Од:

Најмалку 950 луѓе загинаа, а стотици се повредени во катастрофалниот земјотрес со јачина од 6,1 степени според Рихтеровата скала кој во 1:30 часот по локално време го погоди денеска Авганистан.

dobivaj vesti na viber

Како што јави Би-Би-Си, најголем дел од жртвите се регистрирани во Пактика, но загинати има и во источните провинции Нангархар и Кост.

Претходно заменикот министер за справување со вонредни ситуации Шарафудин Муслим соопшти дека во земјотресот загинале 920 лица, а над 600 се повредени.

Земјотресот го погоди подрачјето на околу 44 километри од југоисточниот град Кост, на длабочина од 51 километар.

Според Европскиот медитерански сеизмолошки центар, земјотресот бил почувствуван во опсег од околу 500 километри во Пакистан, Авганистан и Индија.

„За жал, синоќа имаше силен земјотрес во четири окрузи на провинцијата Пактика, во кој загинаа и беа повредени стотици наши сонародници и уништени десетици куќи“, напиша на Твитер владиниот портпарол Билал Карими.

„Ги повикуваме сите хуманитарни агенции веднаш да испратат тимови во областа за да се спречи понатамошна катастрофа“, додаде тој.

Земјотресите, кои се чести во Авганистан, имаат тенденција да предизвикаат значителна штета во Авганистан, каде што има многу рурални области каде живеалиштата се нестабилни или се изградени според несоодветни стандарди.

Деценискиот конфликт ѝ отежна на сиромашната земја да ја подобри својата заштита од земјотреси и други природни катастрофи – и покрај напорите на агенциите за помош да зајакнат некои згради во текот на годините.

Во изминатите 10 години повеќе од 7.000 луѓе загинаа во земјотреси во земјата, објави Канцеларијата на ОН за координација на хуманитарни прашања. Во просек годишно има 560 смртни случаи од земјотреси.

Би можело да ве интересира

Најмалку 155 деца загинаа при земјотресот во Авганистан

Ана Ололовска

Се зголемува бројот на жртвите од земјотресот во Авганистан

Ана Ололовска

По земјотресот пристигнува помош во Авганистан

Ана Ололовска

ОН: Немаме капацитет да му помогнеме на Авганистан

А1он

Хронологија: Најсмртоносни земјотреси во Авганистан во последните две децении

Ана Ололовска

ВИДЕО: Над 280 загинати и 600 повредени во силниот земјотрес во Авганистан

Ана Ололовска