Земјотрес со јачина од 6 степени ја погоди провинцијата Сечуан во југозападна Кина. Најмалку две лица загинаа, а тројца се повредени во силен земјотрес.
Според локалните медиуми, земјотресот е регистриран на длабочина од 10 километри.
Во земјотресот биле уништени бројни куќи, а штетите се огромни. Властите соопштија дека активирале одговор од втор степен на итни случаи. Во тек е спасувачка операција за потрага по преживеани под урнатините.
Сечуан беше погоден од земјотрес со јачина од 7,9 степени во мај 2008 година, во кој загинаа речиси 90.000 луѓе.