(ВИДЕО) Шведска пратеничка ја скрати косата во Европскиот парламент: Додека жените во Иран не се ослободат, ние ќе бидеме со вас

Од:

Шведската европратеничка Абир Ал-Сахлани ја скрати косата пред пратениците во Европскиот парламент во Стразбур во знак на солидарност со протестите во Иран. Во последните денови тоа е еден од неколкуте примери за поддршка на жените во Иран од Европа.

Антивладините протести започнаа во Иран на 16 септември по смртта на 22-годишната Маша Амини. Таа беше уапсена од иранската полиција за морал, бидејќи не го следела кодексот на облекување на Исламската Република. Поради ова, жените ширум Иран си ги запалиле хиџабите и си ги шишале косите на улица, пренесуваат медиумите во светот.

„Додека жените во Иран не се ослободат. Ние ќе бидеме покрај вас“, рече Абир Ал-Сахлани додека ја шишаше косата во Европскиот парламент.

Во Холандија, стотици демонстранти маршираа до парламентот во знак на солидарност со Иранките. Во Италија, посетителите на „Mакси“, Националниот центар за современа уметност и архитектура во Рим, оставија прамени од косата во проѕирна кутија како симбол на солидарност со Иранките. Кутија полна со прамени коса ќе биде доставена до иранската амбасада во Рим.

„Треба да знаат дека не се сами. Тие треба да знаат дека она што го бараат, кои се основни човекови права, е нешто против што сакаме да се бориме заедно со нив“, вели Џована Меландри, претседател на Музејот „Макси“ за Современа уметност.

Би можело да ве интересира

Ајатолахот Хамнеи помилува неколку десетици илјади затворени Иранци во неодамнешните протести

Мајкрософт: Хакери од Иран ги хакирале податоците на магазинот Шарли Ебдо

Горан Наумовски

Иранскиот режисер Панахи излезе од затвор со кауција по штрајкот со глад

Затворениот ирански режисер Џафар Панахи почна штрајк со глад

Ана Ололовска

Иран го обвини Израел за нападот со беспилотни летала врз фабриката за муниција во Исфахан

ВИДЕО: Млад пар во Иран објави видео како танцуваат на улица, судот ги осуди на 21 година затвор

А1он