(ВИДЕО) Шефот на Вагнер испрати „крвав“ чекан до Европскиот парламент

Од:

Шефот на платеничката група Вагнер, Евгениј Пригожин, испрати чекан прекриен со лажна крв до Европскиот парламент. На овој начин сакаше да одговори на потегот на европските парламентарци кои во средата гласаа Русија да се прогласи за државен спонзор на тероризмот, а Вагнер да се вклучи во листата на терористички организации.

dobivaj vesti na viber

На чеканот има амблем на Вагнер, а рачката е извалкана со лажна крв. Чеканот на Пригожин, е спакуван во кутија за виолина, го испрати неговиот адвокат, кој го остави пред капијата. Видеото од предавањето е објавено на телеграмскиот канал „Греј зона“, пишува „Џерусалим пост“.

Вагнер е приватна платеничка воена група со блиски врски со Кремљ. Тие се познати по учеството во најжестоките битки за клучните области во војната со Украина. Иако се сместени во Европа, познато е дека се борат во Сирија, како и во Северна и Субсахарска Африка.

„Европскиот парламент се распушти“

Пригожин рече дека одржал состанок со командантите на групата Вагнер и дека тие одлучиле да го прогласат Европскиот парламент за „распуштен“. Инаку, претходно во ноември, на социјалните мрежи кружеше видео од егзекуцијата со чекан на руски војник кој пребегна на украинската страна. Проруските блогери рекоа дека тоа е одмазда за неговото наводно предавство.

Жртвата на инцидентот со чекан беше киднапирана во Киев и пренесена преку државната граница, пред да биде убиена со повеќе удари во главата и вратот. Жртвата, идентификувана како 55-годишниот Јевгениј Нужин, во видеото ги кажува последните зборови и детално опишува како е фатен и најавува што ќе се случи.

„Бев удрен по глава и изгубив свест и дојдов во овој подрум. Ми рекоа дека ќе ме судат“, вели Нужин на видеото. Веднаш потоа добил неколку удари од непознат маж во камуфлажна облека. Откако паднал на подот, непознатиот маж повторно го удрил во главата.

Европскиот парламент тврди дека Русија го прекршува меѓународното право со своите воени напади врз цивилни цели како што се енергетската инфраструктура, болниците, училиштата и засолништата. Сепак, иако Русија беше прогласена за државен спонзор на тероризмот во средата, потегот е главно симболичен бидејќи Европската унија нема воспоставена правна рамка за спроведување на правни мерки.

Би можело да ве интересира

Поранешен помошник на Путин: Рускиот претседател има план за бегство, се вика „Ноева арка“

Ана Ололовска

Британско разузнавање: Русите добија нова пратка ирански беспилотни летала камикази

Ана Ололовска

Украина: Русите распоредија неколку ракетни фрлачи во Запорожје

Ана Ололовска

Кремљ: Зеленски може да ја заврши војната утре ако сака

Ана Ололовска

САД ќе испратат противвоздушна одбрана во Украина во вредност од 275 милиони долари

Ана Ололовска

Украинско разузнавање: Русија ќе мобилизира 17-годишници

Ана Ололовска