На социјалните мрежи се прошири видео во кое основачот на приватната воена компанија Вагнер го предизвикува украинскиот претседател Володимир Зеленски на воздушен дуел од пилотската кабина на воен авион. Шефот на озлогласената платеничка група, Евгениј Пригожин, наводно во видеото управувал со бомбардерот Су-24, кој го користат членовите на групата Вагнер.
„Володимир Олександрович, слетавме. Го бомбардиравме Бахмут. Утре ќе летам со Миг 29. Ако сакаш, ќе се сретнеме на небото. Ако победиш земи го Артемивск (Бахмут). Ако не, ќе напредуваме до реката Днепар“, порача Пригожин.
⚡️PMC Wagner group leader Yevgeny Prigozhin flying in an Su-24 reportedly near the front. pic.twitter.com/Lb4hSGfzuJ
— War Monitor (@WarMonitors) February 6, 2023
Вагнерците ги поддржуваат руските сили во источна Украина, а особено жестоко се борат во северните делови на украинскиот град Бахмут.
Соединетите Американски Држави проценуваат дека Вагнер во моментов има околу 50.000 луѓе распоредени во Украина, а дури 40.000 членови се регрутирани од руските затвори.