Три лица загинаа, а две лица се повредени откако се урна мост на автопат во град во источна Кина, соопштија денеска локалните власти.
Footage show how a viaduct just collapsed in China’s Wuxi. pic.twitter.com/FZQOcK5Thj
— Keith Zhai (@QiZHAI) October 10, 2019
Катастрофата се случи во Вукси, во источната кинеска провинција Џангсу, на стотина километри северозападно од Шангај.
Според првичната истрага, силно натоварен камион предизвикал уривање на мостот, објавија градските власти на Вукси преку социјалните мрежи.
Државната телевизија CCTV известува дека камионот превезувал товар од 187 тони на автопат каде што максималниот товар е 65 тони.
Видеата објавени на интернет од кинеските медиуми покажуваат како мостот попушта и паѓа на возилата. На снимката се прикажани и два автомобили кои се целосно смачкани, а фаровите се испакнати под голем блок бетон.
Уништени се три возила од кои едното било паркирано од страната. Три лица загинаа во две други возила, соопштија градските власти.
Кина има сериозни индустриски и сообраќајни несреќи оваа година и покрај напорите за зајакнување на безбедноста, пренесува АП.