На социјалните мрежи кружи снимка од полицаец од Мариупол, каде се водат улични борби.
Во видеото, полицаецот Михаил Вершинин испраќа порака до светските лидери, а особено им се обраќа на Макрон и Бајден.
“You have promised that there will be help, give us that help.”
A police officer in the besieged Ukrainian city of Mariupol issued a direct appeal for help to President Biden and President Macron on Friday pic.twitter.com/5fA2DHJ5CG
— Bloomberg Quicktake (@Quicktake) March 19, 2022
„Лидери на Франција и Америка, ни ветивте помош за противвоздушна одбрана, но досега не добивме ништо. Погледнете ја оваа улица, таа е само дел од нашиот разурнат град“, започнува видеото на кое се гледа како Вершинин стои на улица полна со разурнати куќи. Тој вели дека неговиот град е избришан од лицето на земјата.
„Умираат деца, стари луѓе. Градот е уништен и збришан од лицето на земјата. Ве молиме дајте ни ракети за противвоздушна одбрана. Или сакате нов Алепо“, зборува на руски во видеото снимено во петокот.
Автентичноста на видеото ја потврди и Асошиејтед прес.
„Ветивте дека ќе има помош, дајте ни ја таа помош. Бајден, Макрон, вие сте големи лидери. Бидете такви до крај“, рече тој.