Екстремно студените зими во Русија не се ништо ново, но ниту најстарите жители не паметат толку силна снежна бура, снег и мраз што падна во неколку руски региони, пренесуваат руските медиуми.
„Балканското чудовиште“ вчера „прелета“ и низ Москва, како што го нарекоа локалните медиуми, силниот циклон со обилни врнежи од дожд и снег, кој го доби своето име затоа што навистина пристигна од Балканот.
Патиштата се снежни, видливоста е значително намалена, а според прогнозите на метеоролозите, количината на снег што се очекува да падне во следните неколку часа, е вообичаена да падне за седум дена.
Ситуацијата е слично тешка и во регионите Воронеж и Ростов. Во Владивосток, на Далечниот исток на Русија, снегот не престанува да паѓа со денови, па сообраќајот е во целосен колапс.
И на северот на земјата, на Урал и во Сибир, сè е опкружено со снег и мраз. Во Јакутија се измерени -50 степени Целзиусови, поради што учениците не одат на училиште, но имаат часови преку Интернет.