ВИДЕО: Романците бесни на новите ковид-мерки, упаднаа во дворот на Собранието

Од:

Романците излегоа на протести во Букурешт поради зелениот сертификат и мерките против Ковид-19 воведени во земјата поради пандемијата на коронавирус.

На протестите се собраа поддржувачи на партијата Алијанса за романско единство.

Според претседателот на партијата, Џорџ Симион, сертификатот за ковид е неефикасен и неуставен, а протестот е организиран за да се каже „не“ на мерките за кои сметаат дека не ги решаваат постоечките проблеми.

Специјализирани тимови на романската жандармерија преговараат со демонстрантите кои успеале да влезат во кругот на зградата на Собранието, а органите на редот се обидуваат да ги убедат да ја напуштат областа.

„Во овој момент преку нашите тимови за дијалог ги повикуваме луѓето да го напуштат надворешниот простор што им припаѓа на институциите“, соопшти генералната дирекција на жандармеријата во Букурешт.

Тие ги повикаа учесниците на протестот да соработуваат, да ги следат упатствата и да излезат од дворот на зградата на Собранието и да излезат на просторот што им го доделиле органите на редот. Романските медиуми наведуваат дека околу 1.500 луѓе протестираат во Собранието против воведувањето на зелениот сертификат.

Би можело да ве интересира

Протест на лекарите специјализанти, во тек состанок со претставници на Министерството за здравство

Притвор за политичарот од Романија кој силувал малолетничка, дете на негова колешка

Романскиот претседател Клаус Јоханис ја објави својата кандидатура за шеф на НАТО

Граѓаните бараат извршителите да ги почитуваат законските измени со кои долговите застаруваат

Џафери: Закажани се избори, не може да се потпишат колективни договори, протестите на универзитетите се за дневни политики

Земјотрес ја погоди Романија