ВИДЕО: Радикалните десничари го напуштија австрискиот парламент за време на говорот на Зеленски

Од:

Пратениците од редовите на проруската, екстремно десничарска Партија на слободата (ФПО) излегоа од Долниот дом на австрискиот парламент за време на денешниот говор на украинскиот претседател Володимир Зеленски. Тие посочија дека ова е чин на протест бидејќи се нарушува неутралноста на Австрија.

Во видео обраќање, Зеленски се заблагодари на Австрија за хуманитарната помош и помошта во проекти како што е деминирањето. Поради сопствената неутралност, Австрија не се вклучи повеќе во конфликтот, па и покрај тоа што дава политичка поддршка, се уште не може да испрати оружје на украинската армија, која се соочува со руска инвазија, пренесува Ројтерс.

ФПО со денови предупредува дека ќе одржи некаков вид на протест против обраќањето на Зеленски. Претставниците на партијата присуствуваа на почетокот на говорот на украинскиот лидер, а потоа ја напуштија салата. „Тажно е што ФПО е единствената партија во парламентот која сериозно ја сфаќа нашата постојана неутралност, а со тоа се залага и за мир“, рече во вторникот претседателот на ФПО, Херберт Кикл.

Од петте партии во парламентот, ФПО има трето место по број на места во Долниот дом. Во моментов има мала предност во анкетите пред опозициските социјалдемократи и конзервативците на канцеларот Карл Нехамер, кои владеат во коалиција со левичарските Зелени. Сегашното состав на парламентот има мандат до есен следната година.

Би можело да ве интересира

Зеленски побара помош од САД против рускиот „воздушен терор“

ВИДЕО: Нов руски напад на Харков, убиено 12-годишно момче

Катерина Ѓуровски

Путин: Обвинувањата дека Русија ќе ја нападне Европа по Украина се целосна глупост

Зеленски го разреши секретарот на Советот за национална безбедност

Русија издаде налог за апсење на шефот на украинската служба за безбедност поради тероризам

Кремљ: Мировни преговори за Украина без учество на Русија се апсурдни