Посетители на Дизни парк во кинескиот град Шангај останаа заробени внатре, откако неговите управители и властите воведоа вонредно затворање поради коронавирусот.
На социјалните мрежи се појавија видеа каде луѓе брзаат кон заклучените врати на забавниот парк, наводно, во обид да побегнат од карантинот.
🇨🇳 Shanghai Disney Resort abruptly shut its doors Monday as Chinese authorities imposed a snap lockdown, trapping guests who were not permitted to leave until they tested negative for Covidpic.twitter.com/RPUhV0npd1
— Citizen Free Press (@CitizenFreePres) October 31, 2022
Во моментот на затворањето, во паркот имало околу 60.000 лица.
Тамошната Влада објави дека на сите луѓе им е забранет влез и излез од паркот. Оние кои останаа заробени внатре, мора да се тестираат и да покажат негативен резултат, доколку сакаат да го напуштат паркот.
Слично сценарио имаше и во ноември минатата година, кога над 30.000 посетители останаа заробени во паркот, штом властите наредија задолжително тестирање.
Извор: МИА