Вулканот Килауеа на Хаваи, еден од најактивните во светот повторно исфрла лаза, засега само од главниот кратер и не претставува закана за локалното население соопштија властите.
„Вулканот исфрла лава во висина на петтокатница“ – објави на Твитер, Американскиот геофизички завод (УСГС) заедно со видеоснимка од ерупцијата.
Првите пукнатини на кратерот на врвот на вулканот се појавија во среда попладне. Набрзо се претворија во потоци од лава која е со температура повисока од 1100 Целзиусови степени.
Редовните ерупции на Килауеа привлекуваат туристи уште од 1950 година. Управата на националниот парк Хавајски вулкани, почна да мобилизира вработени во оечкување на голем број гости.
Ерупцијата на вулканот во моментов не е закана, но ситуацијата се следи постојано затоа што почетокот на ерупцијата беше динамичен и неизвесен велат од УСГС.
Килауеа е еден од петте вулкани на Хаваи, најголемиот остров во пацифичкиот архипелаг. Во ерупцијата во 2018 вулканот уништи стотици куќи