Во Русија поради мобилизацијата продолжуваат протестите, а секојдневно се објавуваат видеа на кои се гледа хаосот што настанал.
Антон Герашченко, советник на министерот за внатрешни работи на Украина, објави видео за кое вели дека е направено во Русија.
Russian police was trying to arrest a Russian grandma who was saying the truth.
(Look at the number of people around them just filming and not saying a word).
?: team_of_freerussia/ TikTok pic.twitter.com/GkXKp5sJXh
— Anton Gerashchenko (@Gerashchenko_en) September 27, 2022
„Руската полиција се обидува да ја уапси бабата која ја кажа вистината. Погледнете колку луѓе има околу себе кои само снимаат и молчат“, напиша тој.
Не се знае кога и каде е снимено видеото, а на него се гледа расправија меѓу постара жена и полицијата.
-Дали доброволно ќе дојдеш со нас? – прашува полицаецот.
– Нема да одам со тебе доброволно – одговара жената.
– Немам ништо против мобилизација. Мобилизирајте ја цела држава ако ви треба топовско месо – вели жената.
Полицијата повторно ја вика да дојде со нив.
– Ќе мораме да употребиме сила – вели полицаецот.
– Направете го тоа – одговара таа.
Во тој момент полицајците се обидуваат да ја приведат жената, но на нив се спротивставуваат луѓето кои се насобрале таму.
– Носиш баба? – се слуша чудењето на еден од нив.
– Нема да одам со тебе затоа што сте криминалци. Апсите невини луѓе – вели жената и додава дека само одела.
Таа вели дека не носела никаква парола, па се претпоставува дека е приведена затоа што протестирала против мобилизацијата.
На крајот, полицајците ја приведуваат старицата, а луѓето викаат дека е срамота.