ВИДЕО: Писателот Салман Ружди избоден со нож додека држел предавање

Од:

Писателот со индиско потекло Салман Ружди (75) бил нападнат денеска во Њујорк додека држел предавање во тамошниот институт. Непознат маж се качил на бината и го избодел писателот, јавуваат медиумите. Според АП, Ружди паднал или бил турнат, а напаѓачот бил совладан.

dobivaj vesti na viber

Се појавиja и снимки на кои се гледа моментот по нападот, многу луѓе на сцената му помагаат на Ружди. Многумина трчаат да помогнат, публиката е на нозе.

Тој присуствуваше на дискусија за Соединетите Држави како азил за писатели и други уметници во егзил и како дом за слобода на креативното изразување.

Ружди е познат по неговата книга „Сатански стихови“, која е забранета во Иран од 1988 година.

Писателот во Велика Британија беше принуден да се крие една деценија откако иранскиот ајатолах Хомеини издаде верски декрет (фатва) една година подоцна, со кој им нареди на верниците да го убијат писателот поради наводната навреда на исламот во романот.

Во 1998 година, иранската влада објави дека не ја поддржува фатвата, но и дека нема да ја повлече.

Според исламската доктрина, еднаш изречената фетва никогаш не може да се повлече, особено ако лицето што ја изрекло починало во меѓувреме, како што беше случајот со Хомеини (1902-1989).

Ружди влезе во светот на литературата во 1981 година со романот „Децата на полноќта“, сместен во неговиот роден Мумбај, чие дејство започнува на полноќ на 15 август 1947 година, во моментот кога Индија се стекнува со независност од Велика Британија.

Би можело да ве интересира

Кина: Прашањето за Тајван е внатрешна кинеска работа, САД да не се мешаат

Русија: Конфликтот со Америка не е во наш интерес

А1он

Рускиот амбасадор во Вашингтон: „Веруваме дека нема да има нуклеарна војна со САД“

А1он

Американскиот носач на авиони се вкотви во Јужна Кореја

Ана Ололовска

Американска амбасадорка: Историјата на односите меѓу Албанија и САД е уникатна

А1он

Бајден најавува 2,9 милијарди долари за борба против прехранбената несигурност во светот

Ана Ололовска