ВИДЕО: Пеколен пожар го опустоши Кејптаун, изгореа универзитетот и библиотеката

Од:

Огромен пожар денеска ги проголта универзитетот во јужноафриканскиот град Кејптаун и библиотеката во градот, а огнот на планината Тејбл над градот, носен од силниот ветер, во текот на целиот ден без контрола се ширеше низ градот. Речиси целосно е изгорена и 200 години старата библиотека во склоп на универзитетот, заедно со непроценлива колекција на африкански антиквитети.

И по 20 часа борба на над 250 пожарникари и доброволци со стихијата, официјалните лица се уште не можеа да кажат дека пожарот е под контрола, поради бројните места на пошумената планина на кои огнот и натаму тлееше. Евакуирани се илјадници жители од населбите блиски до планината.

Според првичните информации, пожарот избил откако бездомник запалил оган во подножјето на планината Тејбл. Човек во 30-те години е уапсен под сомнение дека е предизвикувач на опустошувачката стихија.

Шумските пожари се чести на планината во сувите и топли летни месеци. Во неделата во Кејптаун, кој е вториот по големина град во Јужна Африка и еден од нејзините три главни града, се измерени 35 степени, а вечерта целиот регион го зафатиле силните ветришта кои го прошириле пожарот во сите правци.

Би можело да ве интересира

ВИДЕО: Пожар во болница во Јоханесбург, евакуирани околу 700 пациенти

Катерина Павлова-Николовска

Жена-ловџија го згрози светот, се сликаше за Инстаграм со срце од уловена жирафа

Жарко Настоски

Половина од Јужноафриканците се потенцијално заразени со Ковид-19

Јужноафриканската Република размислува за продажба или замена на вакцината на АстраЗенека

Ана Ололовска

Јужна Африка ја запре употребата на вакцината на „АстраЗенека“

Катерина Павлова-Николовска

Рамафоса: Богатите земји складираат вакцини

Ана Ололовска