ВИДЕО: Овој говор влијаеше врз резултатите од референдумот во Шкотска

Од:

Говорот на Гордон Браун на последниот ден од предизборната кампања, со кој ги потсети граѓаните дека сите заедно се бореле за Велика Британија за време на двете светски војни, го разбуди патриотизмот кај нив.

Многумина сметаа дека тој имаше големо влијание врз резултатите од референдумот во Шкотска.

-Нема гробишта во Европа на кои нема Шкоти и Англичани. Додека заедно се бореле никој никого никогаш не прашал од каде доаѓа – рече тој.

Поранешниот лидер на Лабуристите последната недела од референдумот вети дека уште на почеток на наредната година ќе бидат усвоени значајни закони, со кои Шкотска ќе добие поголеми овластувања во Обединетото Кралство.

Како што пренесуваат медиумите „Спасителот на Унијата“, има план за постреферендумско уставно решение во Велика Британија, вклучувајќи ја и новата улога на Горниот дом во британскиот парламент. Инаку во тек на предизборната кампања Дејвид Камерон и Гордон Браун беа во чест контакт и британскиот премиер се потпре на советите на својот некогашен противник, со цел да се спречи одливот на лабуристичките гласови. За потсетување Браун (63) дипломирал на Универзитетот во Единбург и за прв пат во 1983 година беше избран за пратеник во парламентот, заедно со Тони Блер.

Подоцна тие заедно на лабуристичката партија и обезбедија победа на изборите во 1997 година и тој во владата беше министер за финансии се до 2010 година, кога беше сменет поради светската економска криза.

Е. Г.

Би можело да ве интересира

Шкотска: По два теста за Ковид-19 неделно достапни бесплатно за сите граѓани

Жарко Настоски

Шкотска пак ќе гласа за независност, предложен закон за нов референдум

Жарко Настоски

Дронови во Шкотска превезуваат тестови за Ковид-19

Ана Ололовска

Независноста може да ја чини економијата на Шкотска 11 милијарди фунти годишно

Ана Ололовска

Велика Британија соочена со нова политичка криза по најавата за можен нов референдум за независност на Шкотска

Старџен најави нов референдум за независност на Шкотска

Leave a Comment

fourteen + 11 =