Земјотрес и два вторични потреси, што следеа по неколку часа, денеска ги погодија слабо населените острови Батан, во Лузонскиот теснец, на север од Филипините, при што настрадаа осум лица, а повредени се околу 60 и предизвикана е значителна материјална штета, соопштија филипинските власти, пренесе ДПА.
Шефот на локалната канцеларија за вонредни ситуации Роланд Есдикул за американските медиуми изјави дека во потресите, кои го пробудиле локалното население, има урнати куќи, што биле изградени од камен и дрво.
Maging mga bahay sa Sta. Rosa, Itbayat, Batanes, nasira dahil sa malalakas na lindol. | Kuha ni Elsa Gonzales #BatanesQuake pic.twitter.com/AaNnvozZUy
— ABS-CBN News (@ABSCBNNews) July 27, 2019
Првиот удар на земјотресот имал јачина од 5,4 степени според Рихтер, а потоа следел уште еден од 5,9 степени, како и третиот од 5,7 степени.
Two strong earthquakes struck the town of Itbayat in Batanes this morning https://t.co/msCLmwV0u6 pic.twitter.com/m2DoaWuqY4
— CNN Philippines (@cnnphilippines) July 27, 2019