ВИДЕО: Осудени демонстрантите што заклаа јагне пред Аушвиц

Од:

Дванаесет луѓе кои се соблекоа голи пред поранешниот нацистички логор на смртта во Аушвиц и притоа заклаа јагне во знак на протест во вид на перформанс беа осудени за сквернавење на местото.

Судот во Освајцим (Полска) осуди двајца членови на групата, кои биле организатори на протестот, на повеќе од една година затвор, а другите се казнети само со парична казна.

Инцидентот се случи во март минатата година пред главната порта на логорот, каде што стои озлогласениот натпис Arbeit Macht Frei („Работата ослободува“). За време на инцидентот мотивот на протестот не беше јасен, но групата подоцна соопшти дека протестирале против конфликтот во Украина, објави Би-би-си.

Меѓу демонстрантите биле шестмина Руси, четворица Белоруси и еден Германец, сите на возраст меѓу 20 и 27 години, соопшти полицијата во времето на инцидентот. Покрај тоа што се соблекле голи и убиле овца, демонстрантите фрлале и петарди и со синџири се врзале за вратата за логорот. Освен тоа, на вратата закачиле и бел транспарент со порака „љубов“, кој го прекрил оригиналниот натпис, конкретно зборот „работа“, така што натписот добил ново значење – „Љубовта ослободува“. Својот протест го снимиле со помош на дрон.

Еден од демонстрантите, Микита Валадзко, на судењетото се обидел да објасни дека протестот немал намера да го навреди споменот на убиените и дека јагнето што го убиле ги симболизира загубените невини животи. „Судот нè осуди за уметничко дело“, изјавил тој по изрекувањето на пресудата.

Би можело да ве интересира

Полска: Претреси на неколку локации кои се дел од истрагата за наводна руска шпионажа

Горан Наумовски

Пијан провалил во козметички салон во Полска и заспал, го разбудила полицијата

(ВИДЕО) Тепачка, солзавец и шок бомби: Полициска пресметка со земјоделците во Варшава

Полска: Подготвени сме да го браниме НАТО од секаков напад

Тенк прегази двајца војници во Полска: Едниот загина, другиот во критична состојба

(ВИДЕО) Два тона ѓубриво фрлени пред домот на рускиот амбасадор во Полска

Горан Наумовски