На социјалните мрежи е објавено драматично видео од неодамнешното уривање на воениот авион Ф-35 веднаш по полетувањето од носачот на авиони на британската морнарица.
На видеото се гледа како пилотот се катапултира пред авионот да се урне во Средоземното Море.
Британското Министерство за одбрана изјави дека е рано да се коментира снимката и дека се прават напори за извлекување на авионот, пренесува Би-Би-Си.
На видеото, кое очигледно е снимено од една од надзорните камери на носачот на авиони, се гледа и како пилотот се катапултира од авионот. Набргу откако авионот исчезнува од видното поле, може да се забележи како падобран се движи кон морето директно пред брод тежок 65.000 тони.