ВИДЕО: Новинари во емисија повикаа на стрелање на одговорните за мобилизацијата во Русија

Од:

Новинарите Владимир Соловјов и Маргарита Симонјан, кои до неодамна важеа за едни од најгласните поддржувачи на политиката на Владимир Путин, сега го критикуваат спроведувањето на делумната мобилизација нарачана од него.

Во емисија емитувана синоќа тие отидоа толку далеку што Соловјов дури повика да бидат стрелани преревносните офицери за регрутирање.

Симонјан рече дека се регрутираат погрешни луѓе, неколку дена по извештаите дека 63-годишен Русин со дијабетес и тешка повреда на мозокот бил повикан да се бори во Украина.

Таа рече дека знае за поранешни војници што ги познава лично, а кои не се регрутирани додека се повикуваат „студенти“, и мајка на две деца, според преводот на Њусвик.

– Значи, треба да направиме нешто во врска со тоа и да не им наштетиме на луѓето – рече таа.

– Но, дали можеме да ги застреламе – праша Соловјов.

Таа одговори: – Јас сум против егзекуција.

На што тој одговорил: – Јас сум за тоа. Би земал неколку од тие [офицерите кои регрутираат] и би ги испратил на првата линија. Дајте им ги тие мали лопати да почнат да копаат ровови.

Инаку, неколку часа по емитувањето на емисијата, се случи напад на службеник за регрутирање.

„Денеска се случи несреќа во нашиот регион. Во Уст-Илимск, млад човек отвори оган во воена канцеларија. Воениот комесар Александар Владимирович Елисеев е на интензивна нега во исклучително тешка состојба. Лекарите се борат за неговиот живот“, најави на „Телеграм“ гувернерот на Иркутската област Игор Кобзев.

Инаку, во саботата руските власти уапсија повеќе од 2.000 луѓе ширум Русија кои демонстрираа против одлуката на Путин за делумна мобилизација. Одлуката на Путин доведе до тоа руските државни медиуми отворено да ја критикуваат.

Би можело да ве интересира

ВИДЕО: Нов руски напад на Харков, убиено 12-годишно момче

Катерина Ѓуровски

Путин: Обвинувањата дека Русија ќе ја нападне Европа по Украина се целосна глупост

Русија издаде налог за апсење на шефот на украинската служба за безбедност поради тероризам

Кремљ: Мировни преговори за Украина без учество на Русија се апсурдни

Терористите на ИСИЛ влегуваат во Европа преправајќи се дека се Украинци

Рускиот амбасадор не одговорил на повикот на Полска: Прво понудете докази

Предраг Петровиќ