„Њујоркер“ објави досега најдетална снимка од упадот на приврзаниците на американскиот претседател Доналд Трамп на Капитол и хаосот што настана во американскиот законодавен дом.
На снимката, лицата кои упаднаа оставија закани на бирото на потпретседателот Мајк Пенс во Сенатот и прелистуваа документи во обид да најдат докази дека изборите биле наместени.
Речиси 13-минутното монтирано видео, направено од известувачот на списанието Лук Могелсон, го покажува комплетниот хаос. Некои од лицата кои упаднаа насилно ја уверуваат полицијата дека се на нивна страна, додека други се закануваат дека ќе ги убијат.