Десетици илјади луѓе протестираа во ерменскиот главен град Ереван, барајќи премиерот Никол Пашинјан да поднесе оставка поради контроверзниот мировен договор со Азербејџан.
Опозицијата исто така организираше национален штрајк Околу 25.000 демонстранти го преплавија центарот на Ереван скандирајќи – „Никол – предавник“ и „Ерменија без Никол“.
Демонстрантите ја опколија зградата на Владата и ја повикаа полицијата да му се придружи на народот.
Пашинјан ги налути Ерменците по склучувањето мировен договор со Азербејџан со посредство на Москва, кој многумина во земјата го сметаат за предавство. Шестнеделната војна во Нагорно Карабах ги однесе животите на повеќе од 6.000 луѓе.