Главниот собир на „жолтите елеци“ почна во Нант под силен полициски надзор, заради случајот на Стив Маја Каничо во заднина, кој во ноќта на 21 јуни скокна во Лоара при интервенцијата на полицијата и се удави.
Националната полиција на својот профил на Твитер соопшти дека уапсила осумнаесет лица при проверки извршени пред почетокот на поворката. Полицијата запленила и „минофрлачи“ и стотина чадори. Претходно, дваесет и два молотови коктели беа откриени и во контејнер за ѓубре.
Настанот во Нант изгледа „насилен“, наведува полицијата. Демонстрацијата на „жолтите елеци“ е најавена како „насилна“, а полицијата врши превентивни проверки. Властите стравуваат од присуство на црни блокови. Голем периметар на центарот на Нант, беше забранет за движење, како и транспортот на гориво и запапалливи пиротехнички материјали.
При последниот собир на 3 август, неколку дена по откритието на телото на Стив Маја Каничо во Лоара, откако го осудија „полициското насилство“, најмалку 1.700 демонстранти маршираа, а полицијата тогаш соопшти дека имало 42 апсења.
Демонстрации се најавени и во други градови, како Тулуз, Нанси, Лион или Ленс.