ВИДЕО: Необично силна луња ја погоди Швајцарија, ветрот корнеше дрвја во Цирих

Од:

Швајцарија ја зафати едно од најсилните невремиња во последните години, со силни дождови, грмотевици и ветришта што корнеа дрвја во Цирих, главниот финансиски центар на државата.

Во текот на ноќта во Цирих паднаа повеќе од четири сантиметри дожд, а во Валдег, во околината на градот, за 10 минути повеќе од 3,1 сантиметри, објави СРФ. Тоа се споредува со рекордните 4,11 сантиметри, кои паднаа за 10 минути во Лозана за време на бурата во август 2018 година.

Делови од автобуската и трамвајската мрежа во Цирих се во прекин, поради откорнати дрвја кои ги блокираат линиите, а некои улици беа поплавени.

Градските власти не соопштија за евентуални повредени или смртни случаи.

Јужниот кантон Валис ги предупреди луѓето да не се приближуваат до реките, поради растечкото ниво на водата.

Метеоролошката служба соопшти дека дождот се очекува и во следните денови, па поплавите најверојатно ќе се влошат, особено околу езерата и реките. Се предупредува и на опасност од лизгање на земјиштето.

Би можело да ве интересира

Швајцарија забрани гостински навивачи на фудбалските стадиони

А1он

Невреме во Москва – урнат дел од ѕидот на Кремљ, затворени сите приоди кон Црвениот плоштад

А1он

Четири лица загинаа во невреме со урагански ветар во Полска

А1он

Прва жртва од невремето во Грција

Втор ден невреме во Грција, еден исчезнат на островот Евија

Грција се подготвува за бурна ноќ, превентивно затворени два булевари во Атина

А1он