Илјадници домови се поплавени, а околу 2.500 семејства се раселени на Хаити поради обилните дождови што ги излеаја реките, при што спасувачките тимови ги евакуираа луѓето од зоните со висок ризик, соопшти локалната Служба за цивилна заштита.
Речиси 36 часа дожд доведоа до поплави, пред сè во северниот дел на оваа карипска земја, поплавувајќи го историскиот центар Кап-Хаитиен, а силните ветрови уриваа дрвја, соопшти цивилната заштита.
На Хаити често се случуваат природни катастрофи, условите за домување во кои живеат граѓаните се претежно лоши, а во областите подложни на поплави најчесто живеат сиромашни и густо населени заедници.
Околу 300.000 луѓе загинаа во голем земјотрес во 2010 година, а повеќе од 2.000 минатата година во земјотрес на јужниот полуостров на земјата.
Извор: МИА