Очајните мигранти кои две недели на бродот за спасување чекаат дозвола да влезат во Италија, скокнаа во морето и пливаа на брегот, објави „Скај њуз“.
„Скај њуз“ пренесува дека четворица мигранти скокнале во морето во очајнички обид да стигнат до италијанска почва. Двајца членови од екипажот веднаш интервирале и ги вратиле назад.
Инцидентот се случи откако организацијата „Open Arms“, која го контролира спасувачкиот брод, предупреди за „екстремен хуманитарен итен случај“. Имено, на бродот има 107 мигранти кои беа спасени во близина на Либија пред две недели. Бродот е закотвен kaj италијанскиот остров Лампедуза и веќе со недели неуспешно се обидува да добие дозвола за пристапување.
Шпанската хуманитарна организација која управува со бродот за спасување на мигранти ја отфрли понудата на Шпанија да отплови кон Алгеширас, откако Италија одби да му даде пристаниште, тврдејќи дека ситуацијата е итна за стотина лица во земјата.