(ВИДЕО) Мигрант кој го преживеа бродоломот во Италија: Шверцерите фрлаа деца во морето

Од:

Мигрантите кои го преживеаја смртоносниот бродолом во близина на италијанскиот брег ги обвинија шверцерите односно трговците на луѓе дека фрлале деца во морето за да ја намалат тежината на бродот и со тоа полесно да избегаат од крајбрежната стража. Вчера потона брод со мигранти при што загинаа најмалку 60 луѓе, меѓу кои и деца.

Околу 80 мигранти го преживеаја бродоломот. Властите стравуваат дека бројот на загинати може да надмине 100, бидејќи некои преживеани рекле дека на дрвениот брод кога ја напуштил Турција, имало околу 200 луѓе од Иран, Пакистан и Авганистан.

Бродот удри во карпести гребени, се распадна и потона пред зори во неделата кај италијанскиот брег. Додека спасувачите се уште трагаат по преживеани, Италија го бара одговорниот за оваа страшна трагедија. Некои го вперија прстот кон десничарската премиерка Џорџија Мелони и нејзината строга политика во однос на мигрантите. Од друга страна, Мелони ја префрли вината на „нехуманите трговци со луѓе“.

„Во еден момент шверцерите почнаа да ги фрлаат децата во морето. Тие ги фатија за раце и ги фрлија“, изјавил еден од преживеаните за италијанскиот весник Ла Стампа, пренесе Дејли Меил. Меѓу загинатите, наводно, има 14 деца.

Би можело да ве интересира

Дупка длабока 10 метра прголта автомобили во Рим

Италијанската полиција уапси 55 мафијаши

Навивачи на „Брајтон“ се повредени и ограбени во Рим

Силен земјотрес во Италија

Смог го покри Милано, воведени се ограничувања: „Излезете што помалку“

(ВИДЕО) Најмалку тројца загинаа во несреќен случај во Фиренца

Горан Наумовски