ВИДЕО: Макрон ги избрка израелските полицајци од француската црква во Ерусалим

Од:

Францускиот претседател Емануел Макрон денес ги отстрани членовите на израелската полиција од црквата Света Ана во стариот дел на Ерусалим, која според меѓународни правила е француска територија.

На снимките од инцидентот се гледа видно лутиот Макрон кој повикува на усогласеност. „Сите ние ги знаеме правилата. Не ми се допаѓа тоа што го направивте пред мене. Излезете“, рече Макрон, но останува нејасно што предизвика неговата остра реакција.

На видеото се гледа како Макрон се обраќа на израелската полиција велејќи дека направиле одлична работа во градот, барајќи од нив да се придржуваат кон правилата што постојат со векови, па француските медиуми посочуваат дека влегувањето на израелските безбедносни службеници е причина за неговото незадоволство.

Сличен инцидент се случи во 1996 година кога тогашниот претседател на Франција Жак Ширак побара од припадниците на израелските безбедносни сили кои носат оружје да излезат од црквата Света Ана.

Макрон во Ерусалим учествува на Петтиот светски форум за холокаустот, што се одржува денес и утре.

Би можело да ве интересира

Израел ги заострува мерките за справување со коронавирусот

Ана Ололовска

Макрон: Русија да објасни за труењето на Навални, има црвени линии за користењето хемиско оружје

А1он

Израелскиот амбасадор во Србија: Веќе го признавме Косово на 4 септември

А1он

Илјадници Израелци на протест против Нетанјаху и покрај забраната за собирања

Ана Ололовска

Израел воведува тринеделен карантин

Ана Ололовска

Поради Ковид-19 се затвора џамијата Ал-Акса

Ана Ололовска