Претседателот на Франција Емануел Макрон, за време на турнеја по земјата, доби шлаканица од еден човек од публиката, главно составена од негови симпатизери.
Настанот се случи во регионот Дром, во југоисточна Франција. Во моментот кога сакаше да се поздрави со насобраните луѓе, претседателот прво налета на напаѓачот, кој кусо се претстави како анархист и извика „Долу Макронија“, па веднаш му удри шлаканица на збунетиот Макрон.
Обезбедувањето бргу реагираше и го неутрализира напаѓачот. Полицијата уапси двајца по несекојдневниот инцидент, а францускиот претседател потоа ја продолжи својата посета.