ВИДЕО: Лудата новогодишна забава во близина на Рен заврши со казни за половина од учесниците

Од:

Новогодишна забава организирана јужно од Рен, која почна во четвртокот навечер, заврши изутринава откако беше демонтирано озвучувањето. Околу 2.500 млади од цела Франција, па дури и од странство, се собраа во близината на Рен и покрај забраната за јавни собири и прослави.

Немаше интервенција од полицијата, соопшти префектурата, прецизирајќи дека жандармите вршеле проверки и казнувања на учесниците, кога тие ја напуштале забавата. Вкупно беа казнети 1250 учесници на забавата, особено за непочитување на полицискиот час, неносење маска и незаконско учество на собир.

Спасувачите и здруженија на граѓани беа на лице место за да дистрибуираат гел и маски „за да се ограничи ризикот од ширење на вирусот во рамките на собирот. Отворена е истрага за „незаконско организирање на празничен музички собир“, „намерно насилство врз лица кои имаат јавни овластувања,“ „оштетување на имот на трето лице во група“, „скриена работа“, „незаконско точење на алкохол “ и„ кршење на законодавството за наркотични дроги и олеснување на нивната употребата “.

Инаку според податоците на министерството за внатрешни работи во текот на новогодишната ноќ низ цела Франција имало 660 апсења и силите на редот напишале 6600 казни за непочитување на полицискиот час. Притоа 25 припадници на силите на редот биле повредени во судири во повеќе градови.

Би можело да ве интересира

Франција ги олеснува ограничувањата, маската повеќе не е задолжителна насекаде

Речиси 100 приведени на забранетиот протест на „Конвојот на слободата“ во Париз

ВИДЕО: Дел од конвојот демонстранти против вакцинацијата влезе во центарот на Париз, полицијата реагираше со солзавец

Франција воведува потврди за вакцинација, ќе важат во ресторани, кина, возови

Повеќе од половина милион здравствени пропусници денеска престануваат да важат во Франција

Во Франција 91.608 новозаразени со Ковид-19, најмногу за 24 часа од почетокот на пандемијата

Катерина Ѓуровски