ВИДЕО: Либанците го пречекаа Макрон со нов протест

Од:

Илјадници демонстранти излегоа денес на централниот плоштад во Бејрут за да ја одбележат стогодишнината од прогласувањето на државноста на Либан и воспоставувањето на Бејрут за главен град, од страна на тогашниот француски генерал Анри Гура. Собирот во исто време е и протест против слабиот одговор на државата и правосудството на разурнувачката експлозија од минатиот месец, која предизвика огромни страдања во државата.

Додека либанскиот народ е излезен на улиците на градот, францускиот претседател Емануел Макрон е во официјална посета на земјата по вторпат откако на 4 август Бејрут беше разурнат од две силни експлозии кои се случија во пристаништето, при што загинаа најмалку 190 лица, беа повредени 6.500, а над 300.000 останаа без своите домови.

Францускиот претседател Емануел Макрон засади бор во чест на загинатите од експлозиите во Бејрут

По експлизијата, во Бејрут се случија насилни протести кои предизвикаа пад на владата, но граѓаните и натаму чекаат праведен одговор од државата за катастрофата и сериозна истрага што ќе ги утврди одговорните. Во понеделникот, поранешниот амбасадор на Либан во Германија, Мустафа Адиб, беше назначен од страна на претседателот Мишел Аун да ја формира новата влада.

Макрон денес треба да се сретне со претседателот Аун, како и други високи преставници на земјата.

Исто така, тој ќе оствари средба и со француската воена експедиција, претставниците од невладиниот сектор и Обединетите нации кои работат на реконструкција на разурнатото пристаниште во Бејрут.

Би можело да ве интересира

Либан воведува полициски час за невакцинираните лица

Ана Ололовска

САД го честитаа Денот на независноста на Либан и го осудија терористичкиот напад во Ерусалим

А1он

Русија му испрати на Либан сателитски снимки од пристаништето Бејрут пред и по експлозијата

Ана Ололовска

Приближно 60 отсто од населението во Либан живее во сиромаштија

Ана Ололовска

САД со апел до Либан да продолжи со дипломатските контакти со дел од монархиите во Персискиот залив

Ана Ололовска

Пукотници и експлозии во Бејрут, двајца загинати и седуммина повредени