Најмалку 11 лица, меѓу кои жени и деца, загинаа, а неколку други се повредени по „стампедо“ на пунктот за дистрибуција на бесплатна храна во јужниот пакистански пристанишен град Карачи, објавија локалните медиуми.
Инцидентот се случи откако многу луѓе се собраа во фабрика во градската индустриска област за да земат храна – што е дел од хуманитарните акции што локалните жители ги одржуваат секој Рамазан за да им помогнат на сиромашните, според локалната телевизија Geo News.
Лекарите ја опишаа состојбата на неколку повредени како „несигурна“, стравувајќи од пораст на бројот на загинати.
Мугес Хашми, полициски функционер, им рече на новинарите дека најмалку седум лица одговорни за организирање на бесплатната распределба се приведени бидејќи полицијата не била информирана пред распределбата.
Слични инциденти се случија во последниве недели за време на дистрибуцијата на бесплатни вреќи со брашно од страна на владата во североисточните провинции Пенџаб и северозападниот дел на Пахтунхва, при што загинаа неколку луѓе.