Околу 50 ракети беа истрелани од јужен Либан кон Израел, поточно Горна Галилеја, објавија израелските медиуми.
На снимката од социјалните мрежи се гледа како над таа област се активира израелскиот одбранбен систем „Железна купола“.
Во знак на поддршка на нашиот палестински народ во Појасот Газа и поддршка на нивниот храбар и чесен отпор, како одговор на нападите на израелскиот непријател врз непоколебливите јужни села и безбедни куќи, особено на нападите врз селата Кафр Кила и Деир Сирија во кој беа повредени цивили, Исламскиот отпор ја вклучи новата населба Беит Хилел во распоредот на гаѓања и за прв пат ја бомбардира со десетици ракети од типот Катјуша“, се вели во соопштението на Хезболах.
The Iron Dome is truly a Technological Marvel. pic.twitter.com/egMH5GY4IF
— OSINTdefender (@sentdefender) August 3, 2024
Израел засега не го коментира инцидентот, а нема информации за жртви.
Америка и Велика Британија ги повикаа своите граѓани да го напуштат Либан поради зголемените стравувања од сеопфатна војна меѓу Израел и либанскиот Хезболах. Амбасадата на Соединетите Држави во Либан ги повика своите граѓани да резервираат „секој достапен авионски билет“ за да го напуштат Либан.
Even more Footage showing Interceptions from the recent Hezbollah Rocket Barrage towards Northern Israel. pic.twitter.com/XB4MX01Jb8
— OSINTdefender (@sentdefender) August 3, 2024
„И покрај откажувањето на летовите за Бејрут, опциите за комерцијален пристап за напуштање на Либан сè уште се достапни“, се вели во соопштението на амбасадата.
Британската влада ги повика своите граѓани веднаш да го напуштат Либан, додека комерцијалните линии се сè уште достапни.
„Тензиите се високи и ситуацијата може брзо да се влоши. Мојата порака до британските граѓани е јасна: „Заминете веднаш“, изјави шефот на британската дипломатија Дејвид Лами.