Индискиот бизнисмен Шанкар Курхаде поради пандемијата со коронавирус, решил да си набави златна заштитна маска.
Индиецот вели дека за златната маска платил околу 4 илјади долари.
Маската е изработена од 60 грама злато, а на златарот кој ја правел му биле потребни осум дена за да ја изработи.
„Тоа е тенка маска и има мали дупчиња за да можам да дишам“, изјави Шанкар.
„Не сум сигурен дека ќе биде ефективна за да ме заштити од коронавирусот, но јас преземам и други мерки на претпазливост“, додал бизнисменот.
Индиецот за себе вели дека е голем љубител на златото и секогаш носи накит во изобилство.
„Луѓето на улица сакаат да се сликаат со мене“, вели тој.
Бизнисменот Шанкар Курхаде ја добил идејата од својот сограѓанин кој си направил сребрена маска.
Во Индија, носењето на заштитна маска во јавност е задолжително. Во земјата има околу 650.000 потврдени случаи на Ковид-19.