ВИДЕО: Илјадници Кубанци бараа смена на претседателот, тој вели виновни се Американците

Од:

Илјадници Кубанци вчера излегоа на улиците низ целата земја и извикувајќи „слобода“ побараа оставка од претседателот Мигел Дијаз-Канел.

Според светските агенции, ова се „најголемите антивладини протести во комунистичката земја во последните неколку децении“.

Протестите избувнаа во екот на најтешката економска криза од распадот на Советскиот Сојуз, поранешен сојузник на Куба, но и рекорден број заразени со коронавирус, а луѓето го креваат својот глас поради недостиг на храна, кршење на граѓанските слободи и начинот на кој владата се бори против пандемијата.

Илјадници вчера се собраа во главниот град на Куба, Хавана, барајќи Дијаз-Канел да си замине од власта, додека владините приврзаници носеа кубански знамиња и го извикуваа името на поранешниот лидер Фидел Кастро.

На улиците имало и џипови на специјалните единици, кои носеле пушки, а присуството на полицијата било големо дури и откако демонстрантите си заминале дома.

Лидерот на кубанската Комунистичка партија Дијаз-Канел, во телевизиски говор за немирите ги обвини САД кои во изминатите години го засилија повеќедецениското трговско ембарго.

Тој верува дека голем број демонстранти биле искрени, но биле изманипулирани од САД, кои „ја организирале кампањата на социјалните мрежи, со помош на платеници на теренот“.

Кубанскиот претседател предупреди дека нема да се толерираат нови провокации, и ги повика неговите приврзаници да се спротивстават на ваквите провокации.

Вршителката на должност заменик државен секретар Џули Чунг изјави дека е длабоко загрижена поради „повиците за борба“ на Куба, додавајќи дека САД стојат зад правото на кубанскиот народ на мирно собирање.

Би можело да ве интересира

„Руси доaѓајте, сметаме на вас“

Предраг Петровиќ

Кубанци шверцувани низ Македонија и Србија до ЕУ – разбиена мрежа за криумчарење мигранти

А1он

Волстрит журнал: Кина гради шпионски објект во Куба за да ги прислушува САД

Куба ја откажа парадата на Меѓународниот ден на трудот поради постојаниот недостиг на гориво

Ана Ололовска

САД повторно почна да депортира Кубанци

Катерина Ѓуровски

Куба моли за американска помош, целата земја остана без струја

Ана Ололовска