ВИДЕО: Хаос во францускиот парламент, Макрон ја искористи „нуклеарната опција“ поради новиот закон

Од:

Ширум Франција се зголемуваат протестите поради новиот закон што претседателот Емануел Макрон денеска го протурка низ парламентот во посебна процедура. Француската премиерка Елизабет Борн искористи специјална уставна процедура за да ја изгласа пензиската реформа на Макрон во парламентот без гласање.

Левичарската опозиција го поздрави овој потег со галама, свирежи и пароли против реформите.

Постапката од член 49 точка 3 од Уставот овозможува донесување закон со кој за две години ќе се зголеми границата за пензионирање на 64 години, по неколкунеделни протести и жестока јавна расправа.

Клучната точка на реформата е да се зголеми старосната граница за пензионирање од 62 на 64 години. Дополнително, треба да се зголеми бројот на години потребни за уплата во пензискиот систем, а минималната пензија да се зголеми на 1.200 евра.

Макрон и владата велат дека подоцнежното пензионирање е неопходно за да се извади пензискиот систем од црвено до крајот на деценијата.

Макрон би можел да се соочи со гласање за недоверба

Оние во францускиот парламент кои се против пензиските реформи на Макрон сега имаат помалку од 24 часа да поднесат барање за недоверба. Доколку тој предлог биде одбиен, планот на Макрон за зголемување на старосната граница за пензионирање ќе продолжи. Но, ако парламентот го изгласа, предлогот за промена на законот, односно реформи, е отфрлен, а кабинетот на Макрон мора да поднесе оставка.

Засега не се знае кога точно би можело да се гласа за недоверба, но доколку се случи, се очекува да биде на почетокот на неделата.

Би можело да ве интересира

Во Франција засилени безбедносни сили пред сите католички и протестантски цркви за време на Велигден

Франција ја подигна безбедноста на највисоко ниво

Во Франција се уапсени 13 лица осомничени дека се членови на нарко-банда од Марсеј

(ВИДЕО) Драма во Франција: Поплава однесе татко и две деца

Франција абортусот го прогласи за уставно право

ВИДЕО: Во Франција горат 900 тони литиумски батерии