ВИДЕО: Голема експлозија урна дел од зграда во Мадрид, најмалку двајца загинати

Од:

Најмалку две лица загинаа во експлозијата што доведе до делумно уривање на зграда во центарот на Мадрид и предизвика пожар, изјави градоначалникот Хозе Луис Мартинез-Алмеида.

Тој додаде дека првичните информации покажуваат дека најверојатна причина за експлозијата е истекување на гас.

Градоначалникот на Мадрид, кој го посети местото на експлозијата, за локалната телевизија Телемадрид изјави дека не може да потврди колку луѓе се повредени.

Тој додаде дека не е причинета сериозна штета во училиштето што се наоѓа во близина на зградата.

Како што пренесуваат локалните медиуми, домот за стари лица, кој е сместен во зградата, е евакуиран, иако нема пријавено повредени меѓу неговите станари.

Во зградата живееле и свештеници каде подготвувале јадења за бездомници.

Полицијата го опколи местото на несреќата во Мадрид и ги повика граѓаните да ја избегнуваат областа.

Би можело да ве интересира

ВИДЕО: Магарица што лета видена во Шпанија – пожарникари со хеликоптер ја спасуваа Оливија

Жарко Настоски

Шпанците гневни откако се дозна дека принцезите Елена и Кристина се вакцинирале во Абу Даби

Жарко Настоски

Шпанците ја отстранија последната статуа на Франко

Седми по ред протест во Барселона поради апсењето на раперот Пабло Хасел

Ана Ололовска

ВИДЕО: Шеста ноќ по ред хаос, палења и апсења на протестите во Барселона

Во Шпанија повеќе од три милиони луѓе заразени со Ковид-19

Ана Ололовска