ВИДЕО: Гневни луѓе во Кина протестираа против карантинот, уриваат бариери поставени од властите

Од:

Жителите на кинескиот Гуангжу, град под карантин поради коронавирусот, излегоа на улиците за да го покажат своето противење на строгите мерки против пандемијата. Снимките и сликите кои кружат на социјалните мрежи покажуваат лути демонстранти како ги уриваат бариерите поставени од локалните власти, пишува Си-Ен-Ен.

Се шират снимки на кои се гледаат голем број луѓе кои ги прескокнуваат срушените бариери во градскиот кварт Хаижу, кој се смета за епицентар на епидемијата во градот и е под се порестриктивен карантин од 5 ноември.

На видеото се слуша тропот од метални бариери кои паѓаат и овации на толпата. Се верува дека видеото покажува настан што се случил доцна навечер во понеделникот.

На едно видео, медицинските работници во заштитна облека може да се видат како стојат на страна додека бариерите паѓаат се обидуваат да разговараат со луѓето на улиците. Нема информации за бројот на демонстрантите и времетраењето на протестот. Телефонски оператор од владина канцеларија во округот Хаижу не сакал да одговори на прашањето дали имало протести во последните денови.

Инфекцијата се шири и покрај мерките

Јавните протести се исклучително ретки во Кина, а властите успешно го спречуваат секој обид за критика. Овој протест е јасен знак за зголемен гнев и очај кај јавноста поради строгото спроведување на стратегијата нулта ковид. Гуангжу во вторникот пријави повеќе од 5.100 нови случаи на коронавирус, од кои повеќето немаат симптоми.

Се поставува прашањето дали стратегијата на Кина за борба против коронавирусот навистина може да биде успешна, со оглед на новите варијанти на вирусот кои брзо се шират, пишува Си-Ен-Ен. Кинеската Национална здравствена комисија објави повеќе од 17.772 нови случаи на инфекција низ целата земја, што е највисок вкупен број од април 2021 година, при што Гуангжу сочинува повеќе од една четвртина од тие случаи.

Би можело да ве интересира

Пекинг за соборување на балонот: Побаравме од САД да го решат мирно, тие инсистираа на сила

Катерина Павлова-Николовска

ВИДЕО: Американците го срушија кинескиот балон, објавена снимка

Кина: Се продлабочува заемната доверба со Русија

Предраг Петровиќ

Кина: Наводниот шпионски балон над САД е метеоролошки уред

ВИДЕО: Кинески шпионски балон лета над САД, тврди висок претставник на американската одбрана

Ана Ололовска

Кинеска провинција дозволи невенчаните парови легално да имаат деца

А1он