Француската полиција употреби солзавец и водени топови во судирите со пожарникарите кои протестираат во Париз незадоволни од условите за работа.
Пожарникарите се обиделе да се искачат на железната ограда околу долниот дом на францускиот парламент, а врз нив бил употребен солзавец, пренесува Ројтерс.
#Policiers contre #pompiers, quand les institutions se frappent entre elles, il n'y a plus d'Etat. pic.twitter.com/7I69I4spOb
— Gilbert Collard (@GilbertCollard) October 15, 2019
Демонстрантите потоа се преселија во источниот дел на Париз, каде се судрија со полицијата која повторно употреби солзавец.
Илјадници пожарникари се собраа во Париз на протест, изразувајќи незадоволство од ниските плати и тешките услови за работа.
Пожарникарите рекоа дека сакаат да знаат дали имаат поддршка од Владата.
Протестот на пожарникарите се одвива по слични полициски демонстрации на улиците во Париз.
На протестот се собраа пожарникарите од целата земја.