Еруптираше вулканот Кумбре Виеја на шпанскиот остров Ла Палма. Огромна количина чад се издигнала над истоимениот национален парк.
Шпанскиот премиер Педро Санчез пристигна во Ла Палма каде ерупцијата доведе до евакуација на 5.000 луѓе.
Санчез го одложи патувањето до Генералното собрание на Обединетите Нации во Њујорк за да се сретне со Торес за да разговараат за одговорот на службите за итни случаи на ерупцијата.
Incredible footage of the Cumbre Vieja eruption on #LaPalma now that night has fallen.
(?: TV Canarias) pic.twitter.com/0H7xVgseEz
— Paul Byrne (@ThePlanetaryGuy) September 19, 2021
Вулканот последен пат еруптирал пред 50 години (1971 година).
Јонас Перез, локален туристички водич, рече дека се уште може да го почувствува потресот по ерупцијата.
„Никогаш не сум ја доживеал бучавата што доаѓа од вулканот да звучи како дваесет авиони да полетаат истовремено“, рече тој.
Откако научниците снимија серија од 4 илјади земјотреси, властите на 14-ти септември објавија т.н жолта тревога, второ од четирите нивоа на предупредување.
Исто така, на луѓето им беше препорачано да имаат ранци со основни работи, како што се лекови и други материјали, и мобилни телефони при рака.
Четири села, вклучувајќи ги Ел Пасо и Лос Ланос де Аридан, беа евакуирани, а беа поставени и привремени засолништа.